,*,*, الدنيا يا بوك كلّ شيءٍ فيـها يزيل ,*,*,

ياسلام على اللي عندي ماله مثيل
............... تحمله رساله فوق سطـورن كثيره
أسطورن متعطّره من دموعن تسيل
............... فيها عتــاب ومنها معـاني كبيره
عينـك لا غفت أنا تـوّه يبدأ الليل
............... عندي وباقـي فيه أسيـوفن شطيره
أبوك والسهر يشهد له بالسما سهيل
............... عليك ساهر ويشهد له حتى سريره
همّي و يومن ولّى بالحشا يا أصيل
............... من غيـرك يا ..... يعطي تفسيره
الناس يا صاحبي في هواها التأويل
............... يهمـها الكسـر و لا يهمها تجبيره
أنت بعيني و قلّبـي لقلّـبك يمـيل
............... لا تحرق العين ترى دموعي غزيره
أنت في عيني طيرٍ فوق منت بذليل
............... أبوك صيّاد يحـزنه لا غـدى طيره
يا بوك أنا في معزّتك ما ني بخيل
............... لا شك بالمحبه و لا شخصٍ تستشيره
يكفي باسمك أشهق ،هذا اكبـر دليل
............... الحلى فيه ومن حروفه أشـم عبيره
المخاطر أركبها ولو دربـها طويل
............... أجمع لك الرزق من كل بحرٍ و ديره
الحمل لا زاد مالي غيرك أنت يشيل
............... الوفـا عنوان لنـا و بدون تسعيره
لا تخلّي العاذل يقـول ولـدن هبيل
............... يشتري الهـم منهم نهايته و مصيره
خذ كلامي نصيحة لا تحسبه تمثيل
............... درب المرجله أركبه و أحصد خيره
الدنيا يا بوك كلّ شيءٍ فيـها يزيل
............... خلّك مـع الحق وخلّك دايم نصيره
حبل الثّقة مع الردي لا ترخيه حيل
............... خـوفي عليك بيومن تطيح في بيره
أبدأ عتابي معـاك في كلامن جميل
............... خـذه وأسمعه و لا تحـاول تكسيره
قروم ربعي يوصفوني بريحة الهيل
............... مثلك شلون يشعل بـي نارٍ سعيره
وش ينفعك يوم قالوا من الهم نحيل
............... يترك الزاد ويشرب من الهم عصيره
لا تحزن لا صار أبوك في يوم عليل
............... أحزن على زلتك ولو كانت صغيره
أفخر أنت ولـد ناسٍ طـالوا النخيل
............... أهلك وجدك و أبوك هو مالك غيره
طبعنا مـا نبي الزّلات من أول جيل
............... زلّت عـاقلٍ مثل سكّينــن طريره
بـر الوالدين أمـر مـالنا فيه بديل
............... الطـاعه واجبـنا والمعصية خطيره
ما عندك خلّـه لبوك وأرضى بالقليل
............... عمـرك كلّه عطه وأخذ منه قصيره
خذ النصيحة ولا تقـول هي مستحيل
............... العمر قطار أن فات ما نفع صفيره