,,, مسكين يمشي بالهواء دون والي ,,,

اهدي هذه القصيدة الى كل مطعون في الحب

صح انك الغالي وانا فيك مفتون
بس انت ماقدرت من قال غالي

خيبت هقوات كثيرات وضنون
واخلفت يا قلبي ما كان بخيالي

وخليت كل الناس عني يقولون:
مسكين يمشي بالهواء دون والي

والناس ناس!!واكثر الخلق يدرون
باللي معاك صاير وما قد مضالي

كم قلت لك لا تفعل اللي يسووون
خلك معي مخلص بأول وتالي

قلت لك اترك هل الهرج يحكون
وارفع مقام الحب دايم بعالي

لأن الهواء مبدا وحكمة وقانون
شي كبير..وشي..شي مثالي

الله لو تدري اليا غبت وشلون
حالي اليا من غبت وشلون حالي

لا غبت قلبي من عنا البعد محزون
حتى منامي لا حشا ما هنالي

وان جيتني دمي وقلبي يغنون
(دبكة غلا) من بعدطول انشغالي

واليوم ماني فيك مغرم ومفتون
اليوم انا في غيبتك صرت سالي

مالك ومالي..منت للخافق تمون
وان قلت لية؟ اقول مالك ومالي

واكيد لك رجعة وانا اكيد بكون
احرقت صفحاتك ولا لك توالي

وبسمعك (احلام)لا جرت لحون
((وش ذكرك حب طوتة الليالي))

نعم طويتك والغلا مات مطعون
حتى خيالك باقتله لا طرالي

ملعون ابو قلبي اذا جاك ملعون
وانا معرب من اعمام وخوالي

يناااس مررة كلاااام رووعة

الله لايحرمنا منك ياغالي

يسعدك ربي

ولا يحرمنا منك يا غالي ...

كلك ذوووووووووووووووووووق على ردّك ...

,*,*, مسكين يمشي بالهواء دون والي ,*,*,

,,, مسكين يمشي بالهواء دون والي ,,,